<?xml version="1.0" encoding="UTF-8"?><song><aka>Antʋt bilia la chi̱ hatuk key</aka>
<time_sig>11.11.11.11.</time_sig>
<title>Death Welcome ƲIT116</title>
<lyrics>[V1]
 Antʋt bilia la chi̱ hatuk keyu;
 Ak antá, ak achoshke; hoshonti kʋt
 Aiokpulot kohonchʋt ata̱ya ya̱
 Ai okhlilichit okpʋni fehnʋshke.

[V2]
 Antʋt bilia la chi̱ hatuk keyu;
 Hʋshi ʋt kohcha kia, ik kohcho ka
 Ohmi kak osh la̱wa; nukha̱klo kak osh
 Apakna fehna; A̱ya la chi̱ hoke.

[V3]
 Ilʋppʋt ʋm aiʋtta keyu pulla,
 Nana aiokpulo ilʋppa anta
 Ik sa bʋnno; aiilbʋsha't la̱wʋshke;
 Chisʋs oka ont pisa la chi̱ hoke.

[V4]
 Ai ahantʋt bilia ʋba yak o̱
 A hoyo li; micha yakni ilʋppa
 Ahollopi hoho̱yo li banoshke;
 Klaist ai itola tok a̱ ohmi hoke.

[V5]
 Kʋta hosh I̱ki atuk a̱ hoho̱yot
 Pisa hi a̱, ik bʋnno ka hinla cho?
 Klaist ʋt a̱ Mi̱ko holitopa yoka
 Hoho̱yo kʋt issa la hinla hoh cho?

[V6]
 Saint* momʋt Klaist im itʋnahʋt a̱shʋt
 Na̱ yukpa a̱hli hosh aiokpahanchi;
 Ont iba ta̱kla ahanta la chi̱ kʋt,
 Ʋm ʋlhtaiyaha, a̱ya la chi̱ hoke.

[B1]
   *Ʋbanumpa yimmi</lyrics>
<hymn_number>116</hymn_number>
</song>